Татарстанда буранның ничә көнгә сузылачагы билгеле булды

5 Февраля 2018

Укылган: 2408 тапкыр

Казанда 12 сәгать эчендә айлык явым-төшемнең 73 проценты яуган.

Казанда тәүлек ярым дулаган буран КФУ метеостанциясенең 1875 елдан башланган тарихында рекорд куйды. Татарстан территориясендәге иң күп кар Казанда яуган.

Метеостанция җитәкчесе Мәдинә Шәрәпова хәбәр иткәнчә, күзәтү тарихында мондый карлы еллар бармак белән генә санарлык булган.

1975 елның 30 мартында 22,5 мм явым-төшем, 1979 елның 5 гынйварында тәүлек буе буран дулап, 20,5 мм явым-төшем төшкән. 1990 елның 18-20 февраль көннәренә сузылган өч көнлек буранда 39 мм кар төшүе күзәтелгән.

Ә кичә иртәнге 6дан бүгенгә кадәр 24,2 мм кар төшкән. Бу – метеостанция күзәтү тарихындагы абсолют рекорд.

Казанда 12 сәгать эчендә айлык явым-төшемнең 73 проценты яуган.


Татарстан гидрометеоүзәге алдагы биш көнгә дә буран булуы хакында искәртә

Бүген, 5 февральдә, күпчелек районнарда кар ява, көчле буран. Җил көньяктан, 25 м/с тизлектә. Һава температурасы 1-6 градус, юлларда карт көртләре.

Иртәгә, 6 февральдә шулай ук күпчелек районнарда буран булуы ихтимал. Урыны-урыны белән җил. Һава температурасы – 2-7, төнлә 10 градуска кадәр салкын.

7-8 февраль көннәрендә урыны белән талгын гына кар ява. Температура төнлә -6-11 градус, көнбагышта – 16 градуска кадәр салкын. 

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла