Мөселманнарга Сабан туенда катнашырга ярыймы: мөфти бу сорауга чүлмәк ватып җавап бирде (видео)

25 Июля 2017

Укылган: 783 тапкыр

Автор: Илгиз ШӘКҮРОВ
Болгарда Мөселман яшьләренең IV форумы кысаларында Сабан туе узды. Бәйрәмдә ТР мөселманнары Диния нәзарәте рәисе, мөфти Камил хәзрәт Сәмигуллин да бар иде. Мөфти үзен чүлмәк вату уенында сынады һәм "Татар-информ" хәбәрчесенә мөселманнарга Сабан туенда катнашу тыелмавы турында сөйләде.

− Камил хәзрәт, Сабан туен мөселман бәйрәме түгел, диләр. Әмма соңгы вакытта республикабызда Мөселман Сабан туйлары гөрли. Сез бу хакта ни уйлыйсыз?

− Безнең ике зур дини бәйрәмебез бар: Ураза һәм Корбан бәйрәмнәре. Ә Сабан туе ул милли бәйрәм һәм гореф-гадәт булып санала. Шәригатебезнең үзендә шундый кагыйдә бар: әгәр дә гореф-гадәт шәригать кануннарына каршы килмәсә, аны сакларга кирәк. Шуңа күрә без Сабан туен саклыйбыз. Мәсәлән, Балтач районында ел саен мөселман балалары Сабан туе уза. Шулай ук андый бәйрәмне башка районнарда да үткәрәләр. Моның динебезгә бернинди каршылыга да юк. Шуңа күрә, бәйрәм белән!


− Сез бүген бәйрәмдә чүлмәк ватып карадыгыз. Нинди хисләр кичерәсез? Чүлмәк ватканыгыз бар идеме әле?

− Чүлмәк ваткан бар. Бүген таяк азрак кечкенәрәк иде. Бәлки, шуңа күрә килеп чыкмагандыр.

− Сабан туенда тагын нинди уеннарда катнашканыгыз бар?

− Уеннар түгел, без көрәш белән шөгыльләнәбез. Көрәш яратабыз...

− Ә Сабан туенда җиңгән иң истә калган бүләкне әйтә аласызмы?

− Бүләкләр бик алмадык. Бөтен бүләкләребез кечкенә иде: тәсбихлар, түбәтәйләр. Шул гына.

− Иң мөһиме катнашудыр, бәлки?

− Иң мөһиме катнашу, дөрес.


Мөселман яшьләре форумы 2014 нче елдан башлап ТР мөселманнары Диния нәзарәте тарафыннан оештырыла. Быел ул 15-22 июль көннәрендә Болгарда Мөхәммәд Пәйгамбәргә багышланып узды. Форумда 150 кеше: 75 кыз һәм 75 егет катнашты. Аларның яше 18дән 35кә кадәр. Чараның географиясе дә шактый киң: анда Татарстаннан тыш, Башкортстан, Чуваш Республикасы, Киров өлкәсе, Ханты-Мансийск автоном округы, Удмуртия, Пенза, Чиләбе, Самара, Мәскәү, Саратов, Ульяновск, Подольск, Мари Эл, Свердловск һ.б. төбәкләрдән дә яшьләр килде. Атна дәвамында катнашучылар палаткалы лагерьда яшәде. Алар төрле мастер-класслар, тренинглар, интеллектуаль уеннар, квестлар, исламның актуаль мәсьәләләренә багышланган түгәрәк өстәлләр һәм фикер алышуларда катнашты. Моннан тыш, Коръәнне тәфсирләү һәм махраҗ буенча дәресләр оештырылды. Форумда катнашу − бушлай.


Фикерләр








Дин

Ислам динендә музыка чыннан да тыелганмы?

Бу сорауга төрле дин әһелләре төрлечә җавап бирә. Әүвәл заманнарның дин белгечләре, әлеге мәсьәлә уңаеннан, үз фикерләрен бәян итеп калдырган. Р.Фәхретдин, Ш.Мәрҗани, Г.Баязитов, Һ.Килдебәков хезмәтләрендә диндә музыкага уңай мөнәсәбәт чагылыш тапса да, гади халык арасында, нишләптер, музыкага мөнәсәбәт уңай булмаган. Кубыз уйнаган яшь кызларны башын баганага бәреп үтергән чаклар булганы да мәгълүм.

Дин

Мөселман хатын-кызлар ярминкәсе: Ирләрне кертмичә генә эксклюзив продукция саттылар

Казанда беренче тапкыр мөселман хатын-кызлары өчен хәләл ярминкә узды. Бу ярминкә балигъ булган бер генә ир-ат заты булмавы һәм тәкъдим ителгән продукциянең эксклюзив булуы белән үзенчәлекле иде.

Дин

Ун галәмәт булмый торып, ахырзаман җитмәс – Йосыф хәзрәт Дәүләтшин ахырзаман хакында

Ахырзаман җиткәнен ничек белергә? Аның галәмәтләре нинди? Кеше тормышында нинди үзгәрешләр була? Коръәндә һәм хәдисләрдә ахырзаман турында ниләр әйтелә? Бу хакта “Татар-информ” хәбәрчеләренә Казанның Вахитов һәм Идел буе районнары имам-мөхтәсибе Йосыф хәзрәт Дәүләтшин сөйләде.

БАШКА ЯҢАЛЫКЛАР

Intertat.ru © 2001 - 2017 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла