Камил хәзрәт Сәмигуллин: Пәйгамбәрлек – Аллаһы Тәгаләдән бүләк

3 Августа 2017

Укылган: 658 тапкыр

Фото: Илнар Төхбәтов
Намуслы, гадел, ышанычлы, зирәк, гөнаһсыз – болар барысы да пәйгамбәрләр турында. Пәйгамбәрләр - Аллаһы Тəгалəнең фикерлəрен, хәбəрлəрен (вәхи) һәм Изге китапларын бөтен кешелек дөньясына тапшыру миссиясен башкарган. Аларның төп вазифасы – бераллалыкка һәм рухи-әхлакый кыйммәтләрне сакларга чакыру. Пәйгамбәрләргә инану иманның дүртенче баганасы булып тора.

Пәйгамбәрләрнең сыйфатлары. Алар бишәү:

1) Сыйдк (тугрылык): пəйгамбəрлəр тугрылыклы. Алар беркайчан да ялган сөйлəмəс.

2) Əманəт (ышанычлылык): пәйгамбәрләр һəр нəрсəдə үзлəренə ышаныч уята, аларга хаинлек яки монафыйклык кебек сыйфатлар хас түгел.

3) Фəтəнəт (зирәклек): пәйгамбәрләр бик акыллы һәм югары интеллектка ия затлар.

4) Гыйсмəт (гөнаһсызлык):  пәйгамбәрләр гөнаһ эшлəрдəн тулысынча сакланган.

5) Тəблигъ (чакыру): пәйгамбәрләр Аллаһы Тәгаләнең әмерләрен һəм тыюларын берничек тә арттырмыйча һәм киметмичә кешелəргə тапшыра.

Пәйгамбәрлек итү – Аллаһы Тәгаләнең бүләге ул. Пәйгамбәрлеккә хезмәт һәм тырышлык куеп ирешүе мөмкин түгел. Кешеләргә 124 000 (яки 224 000) пәйгамбәр җибәрелгән. Шуларның 313е (яки 305-315е) бер үк вакытта илчеләр дә булган.

Рәсүл (илче) − кешеләргә яңа дини канун һәм яңа боерыклар җиткерү өчен җибәрелгән пәйгамбәр. Шул рәвешле, илчеләрнең  һәркайсын пәйгамбәр дип әйтә алабыз, әмма һәрбер пәйгамбәр дә илче түгел. Коръәндә барлыгы егерме биш пәйгамбәрнең исеме телгә алына: Адəм, Идрис, Нух, Һуд, Салих, Ибраһим, Лут, Исмəгыйль, Исхак, Якуб, Йосыф, Əюп, Зөлкəфил, Шөгаиб, Муса, Һарун, Ильяс, Əльйәса, Юныс, Давыд, Сөлəйман, Зəкəрия, Яхья, Гайсə һəм Мөхəммəд  галəйһиссəлам. Коръәндә тагын өч затның исеме телгә алына, алар пәйгамбәр булганмы, әллә тугрылыклы коллармы – бу хакта төгәл генә мәгълүмат юк. Алар - Локман, Гозəир һəм  Зөлкәрнəйн.

Фикерләр








Дин

Ислам динендә музыка чыннан да тыелганмы?

Бу сорауга төрле дин әһелләре төрлечә җавап бирә. Әүвәл заманнарның дин белгечләре, әлеге мәсьәлә уңаеннан, үз фикерләрен бәян итеп калдырган. Р.Фәхретдин, Ш.Мәрҗани, Г.Баязитов, Һ.Килдебәков хезмәтләрендә диндә музыкага уңай мөнәсәбәт чагылыш тапса да, гади халык арасында, нишләптер, музыкага мөнәсәбәт уңай булмаган. Кубыз уйнаган яшь кызларны башын баганага бәреп үтергән чаклар булганы да мәгълүм.

Дин

Мөселман хатын-кызлар ярминкәсе: Ирләрне кертмичә генә эксклюзив продукция саттылар

Казанда беренче тапкыр мөселман хатын-кызлары өчен хәләл ярминкә узды. Бу ярминкә балигъ булган бер генә ир-ат заты булмавы һәм тәкъдим ителгән продукциянең эксклюзив булуы белән үзенчәлекле иде.

Дин

Ун галәмәт булмый торып, ахырзаман җитмәс – Йосыф хәзрәт Дәүләтшин ахырзаман хакында

Ахырзаман җиткәнен ничек белергә? Аның галәмәтләре нинди? Кеше тормышында нинди үзгәрешләр була? Коръәндә һәм хәдисләрдә ахырзаман турында ниләр әйтелә? Бу хакта “Татар-информ” хәбәрчеләренә Казанның Вахитов һәм Идел буе районнары имам-мөхтәсибе Йосыф хәзрәт Дәүләтшин сөйләде.

БАШКА ЯҢАЛЫКЛАР

Intertat.ru © 2001 - 2017 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла