Кибеттәге тавык түшкәсенең яшен ничек билгеләргә?

14 Мая 2018

Укылган: 693 тапкыр

Фото: Салават Камалетдинов
Иң шәп күрсәткеч — кошның аягы. 
Тавыкның яшен тән тиресе төсе һәм аякларына карап белергә була. Яшь кош түшкәсе ак, йомшак тиреле була, канат асларында тамырлары күренеп тора. Карт тавыкның тиресе сары һәм каты була.

Карт түшкәнең мае да сарырак була. Ләкин, кошлар өчен аерым азык ашаган тавык түшкәсе дә сары булырга мөмкин.

Иң шәп күрсәткеч — кошның аягы. Яшь тавыкларның аяклары сыгылмалы һәм вак тәңкәләр белән капланган була. Карт тавыкның аяклары каты тәңкәләр белән капланган була. Аякның аскы өлешендә каты известь үсентеләр дә була.

Әтәчләрнең яшен шпоралары буенча билгелиләр. Чебиләр һәм алты айга кадәрге яшь әтәчләрнең шпоралары урынында йомшак калкулыклар була. Олы әтәчнең шпоралары катып, сөяккә әверелә, 2 см һәм аннан да зуррак озынлыкта була.

Әтәч һәм тавыкның яшен күкрәк сөяге очына карап та белеп була. Яшь кошның күкрәк сөягенең очы сыгылмалы була. Карт кошларныкы исә ул каткан була, бөгелми, сынып китә.

Яхшы итеп ашатылган кошның ите тәмле, сусыл була. Ләкин бик майлы ит алырга тырышмагыз, пешергәндә мае эреп, түшкә бик күпкә кечерәер.

Начар ашатылган кошның ите каты һәм коры була.

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла