Россиядә иң аз хезмәт хакын кайсы һөнәр ияләре ала?
Росстат Россиядә иң аз хезмәт хакы түләнелә торган эш урынын билгеләде.
Россиядә кием-салым производствосында эшләүчеләр иң аз хезмәт хакы ала. Бу хакта РФ Дәүләт статистикасы федераль хезмәтендә белдерделәр, дип хәбәр итә RT.
Әлеге нәтиҗә агымдагы елның март ае мәгълүматларына нигезләнеп ясалган. Кием-салым производствосы эшчеләренең уртача хезмәт хакы 18 мең 679 сум тәшкил итә. Бу узган елга караганда, 4 процентка түбән.
Шулай ук күн эшләнәмләре производствосында эшләүчеләрнең дә хезмәт хакы түбән – 21 мең 566 сум. Мебель җитештерү өлкәсендә хезмәт куючылар уртача 21 мең 935 сум акча ала.