Ничә яшькә кадәр кредит алырга мөмкин?

22 Декабря 2017

Укылган: 446 тапкыр

Россиядә кредитлар 75 яшькә кадәр бирелә. Ләкин мондый яшьтәге клиентларга берничә зур банк кына кредит бирә (мәсәлән, Сбербанк, Россельхозбанк). Күпчелек банклар чик итеп 65 яшьне билгели. Әлбәттә, һәрбер яшьнең үз «ләкиннәре» бар: банк тарафыннан билгеләнгән яшькә кадәр, барлык комиссия һәм процентлар белән бергә кредит түләнеп беткән булырга тиеш. Өлкән яшьтәгеләргә кредит алу өчен, поручительләр кирәк, шулай ук өстәмә эш булу, шәхси фатир, җир участогы яки машина булу да файда гына булачак.  

«Кредит алырга мөмкин булган яшь чиге закон тарафыннан билгеләнмәгән. Барысы да банкның үз сәясәтеннән һәм кредит алачак кешенең аны вакытында түли алачакмы-юкмы икәнлеген күзаллавыннан тора. Шулардан чыгып, һәр банк кредит бирү-бирмәүне үз хәл итә, -дип белдерде АиФ.ru га ФинПотребСоюзның банклар бүлеге җитәкчесе Михаил Беляев.

10 ел элек кредитларны пенсия яшенә (хатын-кызлар – 55, ир-атлар – 65) җиткәнче генә бирәләр иде. Хәзер банклар үз сәясәтләрен үзгәртәләр һәм өлкән яшьтәгеләргә дә кредит бирәләр. Алар вакытында бурычларын түлиләр һәм айлык түләүләрне дә тоткарламыйлар. Банкирлар фикеренчә, бу пенсионерларның эшләүче балаларын җәлеп итә ала – әти-әниләр үз исемнәренә кредит ала, ә балалары зур булмаган процентларда түли. Бу алар өчен үзләренә кредит алуга караганда табышлырак була.

"Банклар өлкән яшьтәгеләргә кредит бирмәскә тырышалар, ләкин хәзер башкачарак ситуация. Банклар пенсионерларга уңай карый, чөнки алар күп булмаса да, әмма стабиль табыш алалар. Әгәр банклар пенсионерларга зур булмаган суммага һәм аз вакытка кредит бирәләр икән, түләләр вакытында башкарылачак һәм бурычлар да булмаячак», - дип аңлатты белгеч.



Фикерләр








Сорау-җавап

Милли мәгариф идарәсе җитәкчесе итеп кем билгеләнергә мөмкин?

Мәгариф һәм фән министрылыгынң милли мәгариф идарәсе җитәкчесе итеп Фатиха Аитова исемендәге 12нче санлы кызлар гимназиясе директоры Лилия Әхмәтҗанова билгеләнергә мөмкин. Бу мәгълүмат "Татар-информ" хәбәрчесенә үз чыганаклары аша билгеле булды.

БАШКА ЯҢАЛЫКЛАР

Intertat.ru © 2001 - 2018 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла