Матур булу өчен кычыткан яфрагы һәм сабагыннан маскалар

15 Мая 2018

Укылган: 656 тапкыр

Кычытканнан чәчләргә файдалы маскалар ясарга була. Ул чәч коелганын бетерә, чәч очларын тукландыра, кавыктан котылырга ярдәм итә. Шулай ук кычыткан яфракларыннан бит өчен маскалар һәм лосьоннар әзерләргә була.

Кычытканнан чәчләргә витаминлы маска

Кирәкле ингредиентлар: 

  • 5 кычыткан сабагы,
  • 1 аш кашыгы бал,
  • зәйтүн мае.
Кычыткан сабагын һәм яфракларын яхшылап юып, вак итеп турарга һәм бал белән бутарга кирәк. Әлеге массаны чәч төпләренә сылыйбыз. Өстеннән полиэтилен пакет һәм сөлге белән урыйбыз. Чәчтә 30 минут тотабыз. Аннан чәчне шампунь белән юабыз. Соңыннан кычыткан төнәтмәсе белән чайкыйбыз.


Коры һәм нормаль бит тиресе өчен кычытканнан маска

Яхшылап юылган кычыткан яфракларын блендерда әйләндерәбез. Бер аш кашыгы вакланган кычыткан яфракларын бер йомырка сарысы һәм бер аш кашыгы җылы сөт белән бутыйбыз. Әлеге массаны алдан чистартылган биткә сылыйбыз. 15 минут кычыткан маскасы белән ятып торабыз. Ахырдан битне салкынча су белән юабыз.


Майлы бит тиресе өчен маска

Бер аш кашыгы вакланган кычыткан яфрагын бер йомырка агы белән бутыйбыз. Әлеге массага 5 тамчы лимон согы өстибез. Биткә 15 минутка сылыйбыз. Аннан битне җылымса су белән юабыз.

Кычытканнан биткә лосьон әзерлибез

Ике аш кашыгы вакланган кычыткан өстенә бер стакан яңа гына кайнап чыккан су салабыз. Өстен каплап, 2-3 сәгать төнәтәбез. Аннан төнәтмәне сөзеп, лосьон урынына иртә-кич кулланабыз.

Кычытканнан маскаларны ел дәвамында ясарга да була. Моның өчен май аенда аны киптерергә һәм караңгы урында сакларга кирәк.


Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла