Мөхәммәд пәйгамбәрнең (с.г.в.) иң яраткан 12 ризыгы

8 Мая 2018

Укылган: 1252 тапкыр

Укучыларыбыз игътибарына Мөхәммәд пәйгамбәр (с.г.в.) киңәш итеп калдырган ризыкларны тәкъдим итәбез.


Финик

Мөхәммәд пәйгамбәр (с.г.в.) әйткән: "Финиксыз йорт ризыксыз өй кебек. Бу җимеш хатыннарга бала тудырганда ярдәм итә".


Инжир

Мөхәммәд пәйгамбәр (с.г.в.) фикеренчә, инжир - ул оҗмах җимеше.


Бал

Җылы суда болгатылган бал ашкайнату системасы бозылганда бик ярдәм итә. Бал - эчемлекләр һәм дарулар арасында иң яхшы продуктлардан. Ул аппетитны яхшырта, ашказанын әйбәт эшләтә, чәчләрне ныгыта. Шулай ук күзләрнең сәламәтлеген саклый, аның белән авыз куышлыгын чайкау киңәш ителә. Аеруча иртән җылы суга салып болгатылган балны эчү организм өчен файдалы, дип санаган пәйгамбәр (с.г.в.).


Йөзем

Мөхәммәд пәйгамбәр (с.г.в.) йөзем ашарга яраткан. Бу җимеш канны чистарта, энергия өсти һәм бөерләрне ныгыта, дигән ул.


Кавын

Мөхәммәд пәйгамбәр (с.г.в.): "Кайсы гына хатын-кыз булмасын, йөкле вакытта кавын ашаса, йөзгә-биткә чибәр һәм күркәм холыклы бала тудырыр", - дигән.


Сөт

Мөхәммәд пәйгамбәр (с.г.в.) сөт эчәргә киңәш иткән. "Биттәге тирне бармак ничек сыпырып алса, сөт тә йөрәктәге кызулыкны шулай ала. Моннан тыш, ул аркага көч бирә, баш миен тукландыра, акылны арттыра, күз күремен ныгыта, онытучанлыктан котылдыра", - дигән ул.


Гранат

Мөхәммәд пәйгамбәр (с.г.в.) әйткән: "Гранат 40 көн дәвамында шайтаннан чистартыр һәм начар уйлардан арындырыр".


Зәйтүн мае

Мөхәммәд пәйгамбәр (с.г.в.) бу май турында чәч һәм бит тиресе өчен файдалы, картаюны кичектерә, сару кайнауны бетерә дип санаган.


Су

Мөхәммәд пәйгамбәр (с.г.в.) суның дөньяда иң яхшы эчемлек булуы турында әйткән. Сусауны басу өчен суны әкрен генә сузып эчәргә кирәк. Ашыгып эчү бавыр авыруына китерергә мөмкин дигән.


Арпа

Мөхәммәд пәйгамбәр (с.г.в.) арпа шулпасының тән температурасы күтәрелгәндә файдасы зур булуы турында әйткән.


Гөмбә

Мөхәммәд пәйгамбәр (с.г.в.) гөмбәләрне күзгә яхшы дәва дигән һәм паралич белән көрәшергә ярдәм итүе турында әйткән.


Аш серкәсе (уксус)

Мөхәммәд пәйгамбәр (с.г.в.) бу продуктны зәйтүн мае белән бергә кулланган. Игътибар итсәгез: бүген күп кенә рестораннарда нәкъ менә шулай эшлиләр.

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла