Карда баттым, нишләргә?

6 Февраля 2018

Укылган: 290 тапкыр

Фото: Рамил Гали
Бу мәкалә бүген машинасы булган һәр кешене кызыктырыр дип уйлыйм. Машина йөртергә өйрәткәндә, карга батсаң нишләргә икәнен күрсәтмиләр бит, ә шулай да моны һәркем белергә тиеш. “Кар әсирлегенә эләккән машинаны ничек итеп коткарырга?” дигән темага сөйләшәбез.

Кыш көне рульда йөрүчеләр өчен иң зур проблема – көтмәгәндә яуган кар. Әгәр кар астында боз да булса, проблема икеләтә авырая. Автомобильның көпчәкләре бер урында гына әйләнеп торачак, якын-тирәдә булышырга теләгән кеше булмаска мөмкин.

Машинагыз баткан икән, зур тизлектә кузгалып китү мөмкин булмаячак, җәфаланмагыз да. Көпчәкләр бер урында әйләнеп торып,  үзләренә чокыр гына казыячак, шунлыктан кузгалып китү тагын да авыррак булачак.

Беренчедән машинадан чыгып баткан урынны әйбәтләп карарга кирәк. Машина тирәсендә мөмкин булганча күбрәк буш урын ясарга тырышыгыз: машина астын, ян-якларын, көпчәк тирәләрен кардан арындырыгыз. Машинагыз кузгалып китә алсын өчен аның якын тирәсе җитәрлек дәрәҗәдә ачык булырга тиеш.

Газ педаленә салмак кына басып кузгалып карагыз. Әгәр көпчәкләр бер урында әйләнә башлый икән, машинаның тизлеген сүндерегез.

Арткы тәгәрмәчләре тарта торган автомобильләрнең көпчәкләрен туры итеп куйсаң, әйбәтрәк була. Ә алгы тәгәрмәчләре тарткан машинаның рулен боргаларга киңәш итәләр.

Машинаны бераз артка биреп, баткан чокырдан янәдән кузгалып китергә тырышыгыз. Килеп чыкмаса, тагын артка бирегез. Шулай итеп, чокырны зурайтабыз һәм юлны иркенәйтәбез.

Карга баткан машинаны чайкату ысулы белән дә чыгарып була. Моның өчен  машинаны алгы тизлектән арткы тизлеккә күчереп торырга кирәк. Ләкин, онытмагыз, бу ысул механик коробка булган автомобильләргә генә туры килә.

Машинагызны домкрат белән күтәртеп, көпчәкләр астына келәм, такта, чүпрәк яисә ботаклар куегыз. Келәм, әлбәттә, бозылачак, шулай да бу сезгә “кар әсирлеге”ннән чыгырга ярдәм итәр. Мондый ысулны кулланганда берүк шуны оныта күрмәгез: көпчәк астына куелган предметлар машина кузгалып киткәч, очып чыгып, зыян салырга мөмкин. Шуңа күрә, кузгалыр алдыннан тирә-якта беркем һәм бернәрсә юклыгына инаныгыз.


Карда баткан машинаны чыгару өчен тагын бер кулай ысул бар - башка йөртүчеләргә ярдәм сорап мөрәҗәгать итү. Алар автомобильне төртеп яисә буксирлап тартып чыгарырга мөмкин.

Кардан кузгалып китүнең үзенчәлекләре:

Кардан кузгалып киткәндә көпчәкләрнең басымын бераз гына төшерергә була. Көпчәкнең һавасы чыккач, аның җир белән таяну ноктасы арта, бу йөреп китүне җиңеләйтә. Үзегез белән насос булмаса, бу ысулны кулланмагыз.

Тәҗрибәле йөртүчеләрнең машиналарында еш кына аш тозын табып була. Машинада тоз йөртүе нәрсәгә кирәк ул дисезме? Җавап бик гади. Әгәр дә көпчәкләр астына тоз сипсәң, кар һәм боз эри. Шунлыктан кузгалып китү җиңеләя. Тоз урынына тәрәзәләрне чистарта торган сыеклык (стеклоочиститель) та кулланып була.

Буксирлап чыгаруның да берничә үзенчәлеге бар. Баудан ясалган трос иң кулай вариант дип санала. Мисал өчен, альпинистлар куллана торган бау. Ә менә металлдан ясалган трос туры килми.

Тасмалы арканга килгәндә, ул бик җиңел ертыла, ә кинәт тарту вакытында, өзелеп карабин машинаның алгы тәрәзәсен, фараларны ватарга мөмкин.

Тагын бер киңәш - кыш көне һәрвакыт машинагызда аркан һәм көрәк йөртегез. Бу әйберләр белән кышкы юлларда сез үзегезне күпкә тынычрак хис итәчәксез, буранлы көннәрдә бигрәк тә.



Фикерләр








Сорау-җавап

Олимпия уеннарында катнашкан Татарстан спортчыларын кайсы көннәрдә чыгыш ясый?

Корея Республикасы Пхёнчхан шәһәрендә уза торган XXIII кышкы Олимпия уеннарында Татарстан Республикасыннан катнашучы спортчылар исемлеге һәм аларның чыгыш ясау вакыты.

Сорау-җавап

Капрон колготкины юа беләсезме?

Ефәк һәм капрон оекларны юу аерым кагыйдәләр буенча башкарылса, киемнәр озаграк чыдар, матур сакланыр, тәнгә рәхәт булыр.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла