"Мин татарча сөйләшәм" акциясе волонтеры Галимҗан Галимов: Телебезне үстерүгә һәркем ярдәм итә ала!

21 Февраля 2018

Укылган: 1137 тапкыр

Фото: авторның шәхси архивыннан
"Мин татарча сөйләшәм" акциясе 12 ел дәвамында йөзләгән волонтерларны туган телне саклау эшенә җәлеп итте. Галимҗан Галимов - шул волонтерларның берсе. "Интертат" электрон газетасы өчен язылган блогында ул бу эшкә алынуының сәбәпләрен аңлата.
"Ни өчен бу акциядә волонтер булып йөрисең?" дигәндә, җавабым бик гади: татар теле, милли мохит, яңа дуслар, яңа танышулар миңа чыннан да бик күп күтәренке кәеф, рәхәтлек алып килә, яшәү дәрте өсти, яңадан яңа үрләргә ирешү теләгемне арттыра! 

"Нәрсәгә кирәк соң ул?" диючеләргә, "Кирәк!" дип әйтәм. Иң беренче чиратта үзебез өчен. Казанда татар дөньясына хас бер мохитне табу авыр. Аны мин төгәл тасвирлап та бирә алмыйм, ләкин күбесенчә башка милләт вәкилләре белән аралашып укыган, эшләгән, әмма милли җанлы булып кала биргән кешеләр мине аңлыйдыр. Татар проектлары шушы сусауны басарга ярдәм итә. 

Милли рух булган җирдә, доньяга һич зарланмый киләчәкне төзүгә ике куллап тотынган кешеләр белән берлектә нәрсәдер майтару - үзе бер кызык. 

Бу "Мин татарча сөйләшәм"гә генә кагылмый, татар телендә сөйләшүгә, фәнгә, техникага, доньяны танып белүгә һәм башка өлкәләргә багышланган барлык берләшмәләр, төркемнәр, чаралар... бүгенге көндә аларның булуы, үсүе милләтебез өчен аеруча кирәк. Һәркем үзен генә кайгыртып яшәсә, әлләни уңышка ирешеп булмас дип уйлыйм мин. Шуңа күрә бергәләп, матур итеп, җиң сызганып эшләргә кирәк. Акча тамамы, юкмы, бу "Казан"да кайнавы үзе ни тора!

Татар проектларында беренче тапкыр гына катнашуым түгел, оештыру эшләрендә, башка төрле ярдәм кирәк булганда бик теләп катнашам.

Мәсәлән, бүгенге кондә "Гыйлем" берләшмәсе белән татар фәнен үстерүгә багышланган бик матур эшләр алып барабыз. 

Проектлар күп, һәркем үзенең теләкләреннән, мөмкинлекләреннән чыгып, үзенә фикердәшләр, яңа дуслар табып, милләтебезне, телебезне үстерүгә булдыра алганча көчен куя ала.

Әйтергә кирәк, эшсезлектән йөрү түгел инде бу. Катнашучыларны карасагыз, безнең арада бизнесменнар да, төрле эшләрдә эшләүчеләр дә, башын бәрә-бәрә бирелеп төрле уку йортларында укучылар да бихисап. Шул гадәти тормыштан, көндәлек мәшәкатьләрдән арынып, бер ял итү чарасы да бу.

***


"Мин татарча сөйләшәм" акциясен 2006 елда Казанның Бауман урамында “Үзебез” яшьләр хәрәкәте 26 апрель — Габдулла Тукай туган көнне “Мин татарча сөйләшәм!” дигән акцияне башлап җибәргән иде. Акциянең максаты - татар телен саклау, үстерү, аңа игътибарны арттыру. 


Фикерләр








Татар блогерлары

Түбән Кама театры баш режиссеры Рөстәм Галиев: "Милләтнең бер этәргечен төртешеп баручы малайны кыйныйлар. Мин бирешә торган малай түгел”

Быел Түбән Каманың Туфан Миңнуллин исемендәге татар дәүләт драма театры “Анам кыры” спектакле өчен Тукай премиясенә тәкъдим ителде. Бу премия тирәсендә кызу бәхәсләр, фикер алышулар барган чорда театр Казанда традицион гастрольләрен үткәрде. Әмма аның “Карурман аша” дип аталган балалар спектаклен җәмәгатьчелек уңай гына кабул итмәде: социаль челтәрләрдә фикер алышулар башланды. Тискәре фикерләр нигездә спектакльнең Тукай образын пычратуы турында иде... Аерым алганда, тәнкыйть сүзен әдәбият галиме Миләүшә Хәбетдинова әйтте, бу уңайдан аның берничә мәкаләсе басылып чыкты. “Татар-информ” мәгълүмат агентлыгы Түбән Кама театрының сәнгать җитәкчесе, баш режиссеры һәм директоры Рөстәм Галиевка да үз фикерен әйтергә тәкъдим итте.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла