Үз согында помидор (рецепт)

12 Сентября 2017

Укылган: 452 тапкыр

Хәзер помидор чоры… Күпләрегез вак помидорларны кая куярга белми аптырый торгандыр. "Әлмәт таңнары" газетасыннан үз согындагы помидор рецептын тәкъдим итәбез.
Вак помидорларны тешчистарткыч (зубочистка) белән төбе кырыеннан берничә тишек ясап, банкаларга тутырасыз. Кайнап торган суны өстенә коеп, 20 минут тотасыз, ул арада йомшаган помидорларны блендр ярдәмендә болгатып, савытта кайнатасыз.

Сарымсак, татлы борыч (теләгән кеше корица) саласыз, 1 литр томат өчен 3 аш кашыгы шикәр комы, 1 аш кашыгы (өеп) тоз салына, күбеге бекәнче кайнатасыз, якынча 10-15 минут.

Банкалардагы суны түгеп, томатны коясыз. Ябыр алдыннан кечкенә банкаларга 1 чәй кашыгы, зур банкаларга 1 аш кашыгы аш серкәсе салып ябып куясыз (кемдер уксус салмый, шулай да саклана диләр). Шикәр комын шулай ук киметергә яисә арттырырга була. Кайбер помидорлар бик баллы була, я, киресенчә, әчкелтем. Шуңа, ябыр алдыннан кабып карарга кирәк.

Фикерләр








Аш-су

Җырчы Ландыштан "Паштет" пирогы

Җырчы Ландыш Нигъмәтҗановадан "Паштет" пирогы рецептын тәкъдим итәбез.

Аш-су

Тухум-барак - үзбәк пилмәне

Йомыркалы үзбәк пилмәне - Үзбәкстанга сәяхәтем вакытында иң яратып ашаган ризыгым булды. "Татар хатыннарына моны пешерү берни тормый инде", - дип уйлап куйдым. Туклыклы, тәмле. Камырын басу шактый вакытны алса соң - әллә без камыр күрмәгән кешеме?

Аш-су

Балыклы кабартма (рецепт)

Мөслим районының  "Авыл утлары" газетасыннан "балыклы кабартма" рецептын тәкъдим итәбез.

БАШКА ЯҢАЛЫКЛАР

Intertat.ru © 2001 - 2018 Әлеге ресурста 12+, 16+, 18+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@intertat.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла