Шахматлы торт (рецепт)

14 Апреля 2018

Укылган: 339 тапкыр

Автор: Венера МӘҖИТОВА
Ялларда бераз катлаулырак торт пешереп карасак була. Вакытны күп алса да, нәтиҗәсе куандырачак. "Шахматлы торт" рецептын тәкъдим итәм.
Торт камыры өчен:
280 грамм он
10 йомырка
2 кап ванильный сахар (мин ансын салмадым)
300 грамм шикәр комы
10 граммкөпшәкләндергеч
150 грамм эретеп суытылган ак май
тагын бер 60 грамм он
40 грамм какао-порошок

Крем өчен: 1 литрдан азрак 33 процентлы сөт өсте, 1 банка кайнаган куертылган сөт (вареная сгущенка).

Эш барышы:

1. Торт ике бисквиттан тора: ак һәм кара. Башта ак бисквитны пешерәбез. Моның өчен 5 йомырканы 150 грамм шикәр комы белән күпертәбез.

2. Шуңа эретеп суытылган 75 грамм ак май салабыз.

3.Коры ингредиентларны бергә бутыйбыз: ак бисквитка тагын 60 грамм он кушабыз.

4. Он белән көпшәкләндергечне иләп әзер массага салабыз.

5. 24 см диаметрлы торт пешерә торган табага салы, алдан кызган мичкә озатабыз.

6. Арытаба кара бисквитны эшлибез. Шулай ук 5 йомырканы 150 грамм шикәр комы белән күпертәбез, шуңа калган майны салып болгатабыз.

7. Коры ингредиентларны- онны, көпшәкләндергечне, какаоны бергә бутыйбыз , илибез һәм әзер масса өстенә салабыз.

9. Шулай ук 24 см диаметрлы табага салып мичкә озатабыз.

10. Камырларның әзерлеген агач таякчык ярдәмендә тикшерәбез.

11. Бисквитлар бераз суынгач, азык пленкасына төреп, 12 сәгатькә суыткычка озатабыз.



12.Билгеләнгән вакыт узгач, суыткычтан алып, бисквитларның кабарыбрак торган өлешләртен - "шапка"ларын кисеп алабыз( анысы безгә бизәү - валчык ясау өчен кирәк була).

13. Бисквитларны икегә бүләбез. барлыгы 4 түгәрәк килеп чыга: ике кара, ике ак.

14. Һәр бисквиттан сурәттәге кебек итеп түгәрәкләр кисәбез.

15. Арытаба тортны җыя башлыйбыз.: уртага кара бисквит куябыз, кырыена - акны, иң кырыена тагын караны. Икенче катка уртага ак бисквит бара, кырыена кара, тагын кырыена ак бисквит. Өченче катка уртага кара түгәрәкне куябыз, кырыена караны, аннан акны. Дүртенче катка уртага ак бисквит, аның кырына кара, аның янәшәсенә ак бисквит куябыз.. Менә шулай, арасына крем яга-яга, 4 катны да эшләп чыгабыз.

16. Һәр катның өстенә мул итеп крем ягабыз. Кремны түбәндәгечә эшлибез: 33 процентлы салкын сөт өстен миксер белән күпертәбез, куертылган сөт белән бутыйбыз. Бу минем иң яраткан крем. Шикәр онына караганда, куертылган сөт белән тәмлерәк була. 

18. Торт җыелып беткәч, суыткычка куябыз.

19. 2-3 сәгатьтән тортны бизи башлыйбыз. Бизәр өчен артып калган камырны кулланабыз. Барысын да уртача зурлыктагы кыргыч аша үткәрәбез.

19. Башта тортның өстен бизибез. Шакмакларны зубочистка ярдәмендә сызабыз. Һәр шакмакка ак һәм кара валчык сибәбез.

20. Кырыен ак һәм кара валчык катнашмасы белән матурлап бетерәбез.

21. 4-5 сәгатькә суыткычка озатабыз.

22. Торт әзер, тәмләп чәй эчәргә дә була. Пешергән ризыкларыгыз тәмле, күңелләрегез һәрчак күтәренке булсын, дуслар!

Фикерләр








Аш-су

Эремчек рулетлары

Әлеге эремчек рулетлары бигрәк тә балалар күңеленә хуш киләчәк.

Аш-су

Тулма (рецепт)

Социаль челтәрдәге "Татар ашлары" төркеменнән тулма (голубцы) пешерү тәртибен тәкъдим итәбез.

Аш-су

Бармак (рецепт)

"Татар ашлары" социаль челтәрендәге төркемнән татар халык ризыгы - бармак пешерү рецептын тәкъдим итәбез.

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Персонал данные

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла