Җиңел әзерләнә торган салат рецепты
Әлеге салатка сыер, бәрән яисә тавык ите кулланырга була. Бу очракта салат сыер ите белән ясалган.
Ингредиентлар:
300 грамм сыер ите
2 помидор
2 кыяр
1 татлы борыч
1 баш суган
1 тырнак сарымсак
3 йомырка
100 грамм сыр
укроп яисә петрушка
тәменчә тоз, борыч
каймак яисә майонез
Итне, йомырканы - шакмаклап, суган, кыяр, татлы борыч, помидорны - озынча итеп, сарымсакны вак итеп турыйбыз. Сырны эре угачтан чыгарабыз. Тәменчә тоз, борыч салабыз. Каймак яисә майонез белән бутыйбыз. Өстенә укроп яисә петрушка сибәбез.