Баллы соуста пешкән сарык кабыргасы һәм сырлы макарон
Баллы соуста пешкән сарык итенең үзенчәлекле исенең эзе дә калмаячак, ә кайнар макаронга уылган сыр йомшарып эриячәк. Бик тәмле булачак.
4 кисәк сарык кабыргасы өчен соус: 1 аш кашыгы бал, 2 аш кашыгы майонез яки каймак, 1 аш кашыгы горчица (үткен булса кимрәк тә ярый), ике тырнак сарымсак, чама белән тоз һәм борыч.
Эре кисәкле сарык кабыргасына соусны сылап чыгарга һәм фольгага төреп 1,5 сәгатькә 180 градуска кадәр кызган мичкә куярга. Аннары фольгаларны ачып янә 15 минутка мичкә куеп кызартып алырга.
Кайнаган суга макарон салып пешерергә, агып торган салкын су белән тиз генә юдыртырга, тоз салып болгатырга, аннары үсемлек мае салып сүрән утта 5-6 минут тотып алырга.
Табынга биргәндә макарон салырга, өстенә каты сыр уарга, яшел укроп сибәргә, янына сарык кабыргасын куярга.
Эре кисәкле сарык кабыргасына соусны сылап чыгарга һәм фольгага төреп 1,5 сәгатькә 180 градуска кадәр кызган мичкә куярга. Аннары фольгаларны ачып янә 15 минутка мичкә куеп кызартып алырга.
Кайнаган суга макарон салып пешерергә, агып торган салкын су белән тиз генә юдыртырга, тоз салып болгатырга, аннары үсемлек мае салып сүрән утта 5-6 минут тотып алырга.
Табынга биргәндә макарон салырга, өстенә каты сыр уарга, яшел укроп сибәргә, янына сарык кабыргасын куярга.